Rosa e Lillo

Quannu moru

 

La prima stesura

 

Quann’iu moru

 

Quann'iu moru nun mi diciti missa

V'arricurdati? Sugnu vostra amica.

Quann'iu moru purtatimillu un ciuri,

un ciuri ranni e russu comu lu sangu persu.

 

Quann'iu moru, cantati li me canti

'un li scurdati cantatili pi l'antri,

quann'iu moru pinzatimi ogni tantu,

ca pi sta terra 'ncruci murivu senza vuci.

 

Quann'iu moru faciti ca nun moru,

diciti a tutti chiddru ca vi dissi,

quann'iu moru 'un vi sintiti suli,

ca suli nun vi lassu mancu d'intra lu fossu.

 

Quannnu sintiti sunari 'na chitarra

'na vuci forti, la mia ca vi canta

vi canta e dici ca sugnu 'mmenzu l'amici

cumpagni nni la vita, compagni nni la morti.

La versione cantata da Rosa

 

Quannu moru

 

Quannu iu moru nun mi diciti missa

Ma ricurdati di la vostra amica.

Quannu iu moru purtatimillu un ciuri,

un ciuri granni e russu comu lu sangu sparsu

 

Quannu iu moru faciti ca nun moru,

diciti a tutti chiddu ca vi dissi.

Quannu iu moru 'un vi sintiti suli,

ca suli nun vi lassu mancu di ntra lu fossu.

 

Quannu iu moru, cantati li me canti

'un li scurdati cantatili pi  l'antri,

quannu iu moru pinzatimi ogni tantu,

ca pi sta terra 'ncruci murivu senza vuci,

  

ca pi sta terra 'ncruci io moru senza vuci.

 

 

Pubblicata in Rari e Inediti, Teatro del Sole, 1997

       
  Pagine in allestimento